У летапісах Вензавец пачынае згадвацца з XV стагоддзя: у 1451 годзе Вялікі князь Літоўскі Казімір Ягелончык падараваў
"двор Вязавец" канцлеру ВКЛ Міхалу Кезгайлу.
У
пачатку XVI стагоддзя маёнткам валодаў князь Фёдар Заслаўскі, а з 1566 года -
Еранім Сяняўскі, які атрымаў яго праз шлюб з дачкой Ф. Заслаўскага Ганнай. На
карце 1613 года Вензавец пазначаны як мястэчка.
Еранім Сяняўскі. Герб |
Герб Сапегаў |
Герб Палубінскіх |
У
выніку трэцяга падзелу Рэчы Паспалітай (1795) Вязавец апынуўся ў складзе
Расійскай імперыі, у Слонімскім павеце.
Да
1875 года ў цэнтры Вензаўца пры паштовым тракце Навагрудак-Вільня габрэйскія
падрадчыкі Нахман Буткоўская, Абрам Прэхнер і Шымон Скідзельскі пабудавалі ў
архітэктурным стылі барока і традыцыйнага народнага дойлідства каменную
Свята-Петрапаўлаўскую царкву, на ўзвядзенне якой імперская казна выдаткавала
9700 рублёў срэбрам. У 1878 годзе ў Вензаўцы меліся крама і народнае вучылішча.
У 1886 годзе гарадок засялялі 850 жыхароў, і тут
штогод 29 чэрвеня праходзіў кірмаш.
Паводле Рыжскай мірнай дамовы (1921) Вензавец
апынуўся ў складзе міжваеннай Польскай Рэспублікі, дзе ўвайшоў у склад
Слонімскага павета Навагрудскага ваяводства.
У
1939 годзе Вензавец увайшоў у склад БССР, з 1973 года - цэнтр сельсавета. У гады Вялікай Айчыннай вайны
большасць яўрэйскага насельніцтва пасёлка была знішчана ў Дзятлаўскім гета. У 1970 годзе тут
было 145 двароў і 485 жыхароў, у 1992 годзе - 164 двары і 538 жыхароў.
Матэрыялы са свабоднай энцыклапедыі "Віпіпедыя"
Матэрыялы са свабоднай энцыклапедыі "Віпіпедыя"
Комментариев нет:
Отправить комментарий