Домік паляўнічага Вензавецкага лясніцтва

Аўтар фота: Сарачынская У.

Вензавецкае лясніцтва ўтворана ў 1958 годзе, і да моманту ўзнікнення Дзятлаўскага лясгаса ўваходзіла ў склад Навагрудскага лясгаса. У 1958 годзе ў лясніцтве было 4 майстэрскіх участка, а плошча лясніцтва складала больш за 15 тыс.га лесу. Усяго было 20 абыходаў. Але ў 1968 годзе, калі ўтвараўся Дзятлаўскі лясгас, усе лясы і маёмасць падраздзялення ўвайшлі ў склад новаспечанага лясгаса. 

Сёння тэрыторыя лясніцтва складае 9777 га, і лясы размяшчаюцца побач з такімі населенымі пунктамі, як аграгарадок Вензавец, вёскі Міроўшчына, Пацаўшчына, Накрышкі, Явар, Хадзяўляны. 

Аўтар фота: Ківуля У.

Недалёка ад сядзібы Вензавецкага лясніцтва пабудаваны Паляўнічы домік, які знаходзіцца ў 11 км ад горада Дзятлава па аўтадарозе М-11 у напрамку горада Слонім у маляўнічым сасновым лесе на беразе ляснога вадаёма. Паляўнічы домік мае 3 спальныя пакоі, лазню, альтанкі, мангал і іншыя атрыбуты. У прылеглым лясным масіве размешчана экалагічная сцежка з альтанкамі, лаўкамі, аншлагамі на прыродаахоўную тэматыку. У непасрэднай блізкасці размешчаны вальер лані еўрапейскай. Жадаючым прапануюцца годнае і незабыўнае паляванне, камфортны і ўтульны адпачынак.

Сажалка ля Доміка паляўнічага. Аўтар фота: Бойка В.

Брама Доміка паляўнічага. Аўтар фота: Ківуля У.