Нарадзіўся 14
студзеня 1926 года ў вёсцы Вензавец. Скончыў тры класы польскай школы. Быў прызваны ў армію і трапіў у ваенную часць, якая
знаходзілася ў горадзе Мурам. Пасля ранення ў нагу Канстанцін Антонавіч трапляе ў шпіталь, дзе ён прабыў шэсць месяцаў. Затым быў накіраваны ў
горад Будапешт, дзе лячыўся ад тыфу. Дамоў Канстанцін Антонавіч вярнуўся 3
сакавіка 1950 года.
Медалі:
Г. Жукава
За
Перамогу над Германіяй
За ўзяцце
Вены
30 гадоў Савецкай Арміі і флоту.
20,30,40,50,60,65 гадоў Перамогі ў Вялікай
Айчыннай вайне
50,60,65
гадоў вызвалення Беларусі
50,60,70
гадоў Узброеных Сіл
За доблесную
працу
Пераможца
Сацпрацы
Нарадзіўся 18 верасня
1922 года ў вёсцы Заполле Карэліцкага раёна. Закончыў мясцовую школу. У 1944
годзе пайшоў на фронт. Ваяваў у партызанскім атарадзе, які базіраваўся ў
Налібоцкай пушчы. 5 ліпеня 1944 года вярнуўся дамоў. Два гады працаваў на
заводзе ў Баранавічах. У 1950 годзе паступіў у вышэйшую партыйную школу. Пасля
заканчэння працаваў у Дзятлаўскім райкоме партыі. З 1955 года працаваў
старшынёй калгаса “Чырвоны кастрычнік”. У 1982 годз выйшаў на пенсію.
Медалі:
Г. Жукава.
"Партызану
Айчыннай вайны 2 ступені".
20,30,40,50,60,65
гадоў Перамогі ў Вялікай Айчыннай вайне.
50,60,65
гадоў вызвалення Беларусі.
50,60,70
гадоў Узброеных Сіл.
За доблесную
працу.
Ветэран працы.
Нарадзіўся 6
студзеня 1924 года ў вёсцы Юравічы. Закончыў два класы Вензавецкай школы. У 1944 годзе пайшоў у армію, ваяваў на
фронце. Пасля вайны працаваў у калгасе.
Нарадзіўся ў
1923 годзе ў вёсцы Лагуны. Закончыў тры класы Нагорніцкай школы. У 1942 годзе
пайшоў на фронт. Ваяваў у Прыбалтыцы, Калінінградскай і Ленінградскай вобласці,
ва Усходняй Прусіі, вызваляў Польшу. 27 лютага 1947 года быў дэмабілізаваны,
вярнуўся ў вёску Лагуны , дзе працаваў у калгасе.
Ёдчык А.І.
Нарадзіўся 17
ліпеня 1925 годзе ў вёсцы Вензавец. Скончыў мясцовую Вензавецкую школу. У 1944
годзе пайшоў на фронт. Ваяваў у Румыніі і Венгрыі. У 1947 годзе быў
дэмабілізаваны з арміі і 28 красавіка 1947 года вярнуўся дамоў, дзе спачатку
працаваў у калгасе, а затым у лясніцтве.
Валянцін Сцяпанавіч нарадзіўся
02.05.1919 года ў вёсцы Вялікая Салтанаўка Васільеўскага раёна Кіеўскай
вобласці. Службу ў Чырвонай арміі пачаў з 1939 года. Незадоўга да пачатку
Вялікай Айчыннай вайны Валянцін Сцяпанавіч Біцько скончыў Астраханскае Стралкова-кулямётнае
вучылішча і ў званні лейтэнанта прыбыў для праходжання службы ў горад
Даўгаўпілс у асобны зенітны дывізіён прыбалтыйскай асаблівай ваеннай акругі.
У першы дзень вайны часць, у якой служыў Валянцін Біцько, уступіла ў
бой з дэсантам гітлераўцаў. Валянцін Сцяпанавіч быў цяжка паранены,
трапіў у палон, уцёк. У дарозе адкрыліся раны. Жыхары вёскі Вензавец Антон
Белавус і Алена Губар далі прытулак параненаму салдату. Праз іх В. С.
Біцько пазнаёміўся з савецкімі актывістамі, а тыя дапамаглі яму звязацца
з Мікалаем Вахоніным, Васілём Кавязіным і іншымі былымі
ваеннаслужачымі, якія жылі ў суседніх вёсках.
Валянцін Сцяпанавіч стаў адным з арганізатараў партызанскага атрада
“Арлянскі”, які дзейнічаў на тэрыторыі Дзятлаўскага раёна, потым ён – начальнік
штаба ў атрадах “Барацьба”, “Перамога”. З ліпеня 1943 года В. С.
Біцько – камандзір Ленінскага партызанскага атрада. Баявы, рашучы, смелы –
такім ведалі яго таварышы па барацьбе.
Пасля вайны Валянцін Біцько працаваў старшынёй Дзятлаўскага
выканкама, загадчыкам аддзела Дзятлаўскага РК КПБ, дырэктарам ільнозавода,
дырэктарам камбіната камунальнай гаспадаркі.
У гонар камандзіра партызанскага атрада “Ленінскі” Ленінскай партызанскай
брыгады Валянціна Сцяпанавіча Біцько названа не толькі адна вуліца горада
Дзятлава, але і вуліца аграгарадка Вензавец.
"У 1941 годзе пачалася вайна. Я
скончыла толькі 7 класаў. У сям'і мы былі зводнымі дзецьмі. У мамы было 3 сваіх
дзяцей, а ў бацькі 2 сваіх дзяцей. За вучобу трэба было плаціць. А калі
пачалася вайна, грошай практычна не было. Прыйшлося мне пайсці на працу. І мы з
сястрой пайшлі віць вяроўкі. А праз год нас вывезлі на шахту ў Караганду.
Працаваць там было няма каму, таму што мужчын забралі на фронт. Мне тады было
15 гадоў. Адзення не было, толькі 2 летнія сукенкі, а цёплых рэчаў наогул не
было. Мяне ўзялі на працу матарысткай. І я так прапрацавала дзесьці паўмесяца.
Потым мяне ўзялі памочніцай запальшчыка. На фронце партызаны ўзрывалі цягнікі,
а мне давялося падрываць вугаль. У вугальнай сцяне бурыліся адтуліны, у іх
закладвалася выбухоўка. Пасля выбуху вугальная сцяна разбуралася і вугаль
грузілі на спецыяльную стужку і вывозілі на паверхню. Так я прапрацавала да
1945 года. 1 мая 1945 года адбыўся выбух на шахце. Уся змена загінула. Нас
адправілі разбіраць завалы. Там загінула і мая сястра Рыма. Ад пастаяннай працы
ў вугальнай пылу здароўе пачало псавацца, з'явіўся страшны кашаль і адзін раз
мяне проста вынеслі з шахты. Лекары парэкамендавалі лёгкую працу. Да 1946 года
я працавала лебядчыцай. Сёлета я прывезла да сябе маму і брата. А ў 1947 годзе
мама памерла".
«Даводзілася працаваць і ў выхадныя
дні. Калі на працягу месяца мы выконвалі норму, то нам вылучалі дадатковы паёк.
На чалавек 1 кг 200 г хлеба. Зараз гэта здаецца што вялікая булка. А раней гэта
быў невялікі кавалачак. Хлеб быў нізкай якасці. Густу ў ім практычна не было,
толькі вага. Было і холадна, і голадна. Жылі ў інтэрнаце. Уся пасцельная
бялізна-гэта прастынка і навалачка. Хадзілі на лясны склад за пілавіннем, каб
набіць матрац. Было вельмі цяжка, і 1946 годзе, калі скончылася вайна,
дазволілі некаторым з'ехаць з шахты. Але мне ехаць не было куды, Уся сям'я была
тут побач".
"У 1943 годзе я стала членам
ВЛКСМ (Камсамолкай), а ў 1947 годзе ўступіла ў шэрагі Камуністычнай партыі.
Калі ў 1992 года партыя распалася, я вырашыла забраць свой партыйны білет на
памяць. І цяпер я яго захоўваю, як сведкі падзей таго часу"»
"Перад вялікімі святамі ладзілі
вечары. Цяпер гэта называецца дыскатэкай. А раней вечар танцаў. Хадзілі ўсе
дружна, таму што там праводзілі розныя гульні, конкурсы, віктарыны. Абавязкова
можна было даведацца што-небудзь новай для сябе. І мы стараліся не
прапускаць".
Комментариев нет:
Отправить комментарий